పెనంలో 3 tsp ల నూనె వేడి చేసి అందులో జీలకర్ర, ఎండు మిర్చి వేసి 1 నిమిషం వేయించాలి.

తర్వాత ఉల్లిపాయ ముక్కలు, వెల్లుల్లి రెబ్బలు కూడా వేసి ఉల్లిపాయలు మెత్తబడే వరకు వేయించాలి.

పొయ్యి కట్టేసి వాటిని చల్లారనివ్వాలి.

తర్వాత మిక్సీలో వేసి మెత్తగా రుబ్బి పక్కన పెట్టుకోవాలి.

పెనం మీద రెండు చుక్కలు నూనె వేసి పేపర్ నాప్‌కిన్ తో రుద్దాలి. ఇలా సీజనింగ్ చేయడం వల్ల దోసెలు పెనానికి అతుక్కోకుండా చక్కగా వస్తాయి.

మంట హై ఫ్లేమ్ లో ఉంచి రెండు గరిటెల దోసెల పిండి వేసి గుండ్రంగా పెనం అంతా పరుచుకునేలా తిప్పాలి.

ఒక 10 సెకన్లు ఆగి అప్పుడు సుమారు 2 tsp ల నూనె దోసె మీద ఇంకా చుట్టూరా వేయాలి.

ఉల్లి కారం కూడా వేసి దోసె మీద రాయాలి.

ఛీజ్ తురుము వేసి కరికే వరకు ఆగాలి.

తరిగిన కొత్తిమీర వేసి దోసె ను మడిచి వేడి వేడి గా పల్లీ చట్నీ తో గానీ కొబ్బరి చట్నీ తో గానీ వడ్డించాలి.