ఈ పచ్చడి కొరకు మీరు మిల్కీ మష్రూమ్స్ కానీ, బటన్ మష్రూమ్స్ కానీ లేదా ఆయిస్టర్ మష్రూమ్స్ కానీ వాడవచ్చు.

పుట్టగొడుగుల మీద కొద్దిగా మట్టి ఉంటుంది కాబట్టి శుభ్రంగా కడగాలి.

తర్వాత ఒక పేపర్ నాప్‌కిన్ తో గానీ పొడి బట్టతో గానీ తడి లేకుండా తుడవాలి.

పుట్టగొడుగులను ఒక మాదిరి ముక్కలుగా కట్ చేసి పక్కన పెట్టుకోవాలి.

ఒక చిన్న పెనంలో మెంతులు, ఆవాలు వేసి సన్నని సెగ మీద వేయించాలి.

ఆవాలు చిటపటలాడం మొదలు పెట్టగానే స్టవ్ ఆపు చేసి వాటిని పొడి కొట్టి పక్కన పెట్టుకోవాలి.

పెనంలో నూనె వేడి చేసి, అందులో పుట్టగొడుగు ముక్కలు వేసి చక్కని బంగారు రంగులోకి మారే వరకు వేయించాలి.

అల్లం వెల్లుల్లి ముద్ద వేసి పచ్చి వాసన పోయే వరకు వేయించి స్టవ్ కట్టేయాలి.

పసుపు, ఉప్పు, కారం, గరం మసాలా, ఆవాలు మెంతుల పొడి, నిమ్మరసం వేసి బాగా కలుపుకోవాలి.

5 నుండి 6 గంటలు ఊరనిచ్చి తర్వాత సర్వ్ చేయాలి.